المواضيع الأخيرة
دخول
تسجيل صفحاتك المفضلة في مواقع خارجية
المشاركات التي حصلت على أكثر ردود أفعال في الشهر
شعر عن الحكومه
صفحة 1 من اصل 1
16022013
شعر عن الحكومه
- آدي الريس ....وآدي حكومة
- وآدي النخبة ..... وآدي شبابنا
- وآدي معارضة .....وآدي دستورنا
- وآدي الضلمة بتقتل نورنا
- وآدي الصورة بدون تزييف
- والعيب يطلع منًا وفينا
- والأخلاق مش راسية في مينا
- والأحلام ركبت في سفينة
- كل ما تمشي وتطلع بينا
- بنوقفها بحد السيف
- آدي عساكر مالهاش ذنب
- وآدي ميزان معمول بالقلب
- وآدي لسان ينطق بالكدب
- وآدي أحوال بتزيد بالسلب
- وآدي حرية بدون تكتيف
- آدي الشعب واقف مستني
- كل آماله يعيش متهني
- وآدي الحالة بتخلف ظني
- وآدي الكلمة بتطلع مني
- تتحور ... ألوان الطيف
- آدي جنازة ..............
- وآدي اعلام ومسك بزازة
- وآدي شخصية مالهاش عازة
- بتعبي الأوهام في ازازة
- وآدي ضماير واخده أجازة
- وآدي عقول زهقت م الزيف
- آدي الثورة بتنزف دم
- وآدي أحزاب وكراسي أهم
- وآدي نفوس شبعت م الهم
- وآدي حياتنا ...و قلبت غم
- وآدي أفعال مالهاش تصريف
- آدي الحب رافض يجمعنا
- وآدي شروطه مالهاش معني
- يادي الحلم اللي مضيعنا
- ثورنا عشانه وفجأة سمعنا
- ان مفيش ولا حد نضيف
- بسم الشعب اللي بيتهان
- بسم المقهور والغلبان
- بسم جنازة وبسم صوان
- بسم الثورة وبسم ميدان
- لو نتوحد زي زمان
- تطرح مطرة في عز الصيف
- ياما صبرنا علي الألغاز
- حلمنا مش محتاج إعجاز
- سوا بنزين أو حبة غاز
- لو في وظيفة وأوضة إزاز
- حلمنا يمكن حتي رغيف !!
- والعيب يطلع مننا وفينا
- والأخلاق مش راسية في مينا
- والأحلام ركبت في سفينة
- كل ما تمشي وتطلع بينا
- بنوقفها بحد السيف
- بنوقفها بحد السيف !!!
طارق العرابى- مدير المنتدى
- عدد المساهمات : 1348
تاريخ التسجيل : 17/10/2011 -
مُشاطرة هذه المقالة على:
مواضيع مماثلة» الحكومه ...........والشعب
» الحكومه الجديده ............. وطموحاتنا
» الحكومه من غيرنا مش نافعه
» رئيس الحكومه ورئيس البرلمان ... وحرب تكسير العظام
» الحكومه الجديده ............. وطموحاتنا
» الحكومه من غيرنا مش نافعه
» رئيس الحكومه ورئيس البرلمان ... وحرب تكسير العظام
صلاحيات هذا المنتدى:
لاتستطيع الرد على المواضيع في هذا المنتدى
السبت 17 ديسمبر 2022, 2:01 pm من طرف 
» النجوم الساطعه
» اللواء صبرى محمد عبده سليمان
» كلمات مؤلمة
» الحياه المستديره
» أقوال مأثورة للامام
» اصل عائلة العرابى
» بكاء الظالم
» الشهداء أكرم منا جميعا