المواضيع الأخيرة
دخول
تسجيل صفحاتك المفضلة في مواقع خارجية
المشاركات التي حصلت على أكثر ردود أفعال في الشهر
ماذا بعد الغباء
31012013
ماذا بعد الغباء
- * المشهد السياسي الراهن بيفكرني بأحلي حاجة بحبها: طبق السلطة بفتح السين مش بضمها..!
- فالحكاية كلها علي بعضها بقت سلطة خالص..!
- * طالما ان حكومتنا الرشيدة أعلنت عن نيتها توزيع كل شيء بالبطاقة:
- البوتاجاز والعيش والبنزين.. فأنا عندي فكرة هايلة بمليون جنيه
للحكومة.. ليه ما توزعش الهوا علي الناس بالبطاقة ويركبوا علي مناخير كل
مواطن عداد اليكتروني يعد عليه أنفاسه.. الشهيق والزفير..! - واحد فيكم هايقولي: بس كده الناس هاتتخنق..!!
- أرد وأقول لحضرته: وايه الجديد يعني.. ما هي الناس كده كده.. مخنوقة مخنوقة..!!
- * بعض السياسيين علي الساحة الآن لديهم ذاكرة الأسماك.. فهم ينسون دائما فما يقولونه ويفعلونه اليوم يقولون ويفعلون عكسه غدا..!
- بصراحة دول ما ينفعوش يلعبوا في سوق السياسة.. دول كبيرهم يلعبوا في سوق السمك لا مؤاخذة..!!
- * والله العظيم تلاتة لو عطلنا استيراد السلع الاستفزازية من عينة أكل
القطط والكلاب و"الفرشة" اللي بتعمل عليها القطط زي الناس لا مؤاخذة هنوفر
عملة صعب ومحدش هايزعل خالص..! - إلا اذا كانت الحكومة عاملة حساب زعل القطط والكلاب.. لا مؤاخذة..!
- * ايه الفوضي والهرتلة دي.. ازاي يقولوا ان المجلس القومي لحقوق الانسان اتسرق لأول مرة الشهر الماضي..؟!
- معلوماتي المتواضعة بتقول ان حقوق الانسان في مصر مسروقة من زمان..!!
- * ينقطع لسان كل اللي بيطالب بإغلاق الجامعة العربية لأنها لا بتحل ولا بتربط..! وبقت زي الساعة السويسرية لا بتقدم ولا بتأخر..!
- يا جماعة حرام عليكم الضرب في الميت حرام وبعدين الجامعة لازم تفضل..
مش علشان حاجة بطالة لا سمح الله.. بس لأنها حاجة من ريحة المرحوم التضامن
العربي..! - * واضح ان مدير تراخيص أحد الأحياء الذي تم القبض عليه مؤخرا بتهمة
تلقي رشوة عبيط أو بيستعبط..! فبعد أن ألقت المباحث القبض عليه وهو متلبس
بتقاضي 40 ألف جنيه من صاحب عقار أعطي له ترخيصا قال للنيابة ان هذه
الأموال ليست رشوة لكنها مكافأة له من صاحب العقار..! - أنا في تقديري انه لا عبيط ولا بيستعبط.. دا بيستهبل..!
- * قرار وزير الصحة بتخفيض أسعار أدوية الأمراض النفسية.. قرار جاء في
وقته تماما وبيؤكد ان الحكومة عارفة تماما هي عملت إيه في الشعب..!! فنص
المصريين بيعانوا والنص التاني بيشاور عقله من الاكتئاب والهسة وبيركبوا
الهوا وماشيين في الشوارع بيكلموا نفسيهم زي خالتي شفيقة بالضبط اللي عندها
شعرة ساعة تروح وساعة تيجي.. هي ي ي ي ه.. رااحت..!! - * بعض المنافقين اليومين دول علي الساحة السياسية وفي بعض الصحف
والفضائيات اللي بيتصرفوا وكأنهم ملكيين أكثر من الملك بيفكروني بالمثل
الشعبي العبقري اللي بيقول: الجاموسة بتولد.. التور بيحزق ليه..؟! - قالوا: أهو تحميل جمايل وخلاص..!
- * بالنظر للوضع الراهن أنا شايف ان الدوري مش حيبدأ يوم 2 فبراير ده
علي قليله حيبدأ يوم 31 فبراير..!! وتبقوا قابلوني يوم 31 فبراير لو لقيتوه
في النتيجة!
طارق العرابى- مدير المنتدى
- عدد المساهمات : 1348
تاريخ التسجيل : 17/10/2011 -
مُشاطرة هذه المقالة على:
صلاحيات هذا المنتدى:
تستطيع الرد على المواضيع في هذا المنتدى
السبت 17 ديسمبر 2022, 2:01 pm من طرف 
» النجوم الساطعه
» اللواء صبرى محمد عبده سليمان
» كلمات مؤلمة
» الحياه المستديره
» أقوال مأثورة للامام
» اصل عائلة العرابى
» بكاء الظالم
» الشهداء أكرم منا جميعا